Kostar 13 milliónir at asfaltera fuglafjarðarvegin

Tað fer at kosta 13 milliónir krónur at asfaltera fuglafjarðarvegin. 

Tað upplýsir Uni Rasmussen, landsstýrismaður, í svari til Edvu Jacobsen, løgtingskvinnu.

Vegurin var asfalteraður í 1999. Síðani eru bara smávegis ábøtur gjørdar. 

Í løtuni verða ringastu holini á vegnum fylt við asfalti.

Edva Jacobsen, Ruth Vang

Edva Jacobsen, løgtingskvinna, spurdi um fuglafjarðarvegin. (Mynd: Bjarni Árting Rubeksen)

Ætlar at játta meiri

Landsverk mælir til, at vegastrekki við nógvari og tungari ferðslu, til dømis fuglafjarðarvegurin, eiga at verða asfalteraðir fimtanda hvørt ár.

Uni Rasmussen sigur, at Landsverk metti í 2018, at eftirsleipið til asfaltering var okkurt um 100 mió. kr. 

Hann sigur, at hann fer at virka fyri, at meira verður játtað til at asfaltera komandi árini. 

Men tað krevur politiska semju at játta meira til viðlíkahald og kanska minni til nýgerð, sigur Uni Rasmussen.