Freistin farin at mótmæla

Mótmæli móti broytingum í byggisamtyktini fyri Bøkjarabrekku til viðgerðar í umsitingini hjá býráðnum

Ætlanin um at byggja eitt parkeringshús í Bøkjarabrekku í Havn møtir stórari mótstøðu frá fólkunum, sum búgva í miðbýnum

Høgni Djurhuus

Uni L. Hansen

29.09.2022 - 06:44

P-hús, Parkeringshús, Tekning

Soleiðis lýsir Felagið Grannalív parkeringshúsið, ið ætlanin er at byggja í Bøkjarabrekku í Havn, við einari tekning

Felagið Grannalív, sum umboðar fólk í niðara part av Tinghúsvegin, Kongagøtu, Tungugøtu og Lucas Debesar gøtu, hevur av øllum alvi roynt at fingið Tórshavnar kommunu at endurskoða ætlanina um at geva Gullak Madsen, vinnulívsmanni, loyvi at byggja parkeringshúsið

"Bygningurin er pressaður út í mark á nær um øllum síðum. Hetta hevur við sær, at allir grannar fara at hava ein múr, sum liggur millum níggju og 14 metrar á markinum. Hetta viðførir, at tað verður eitt sera stórt skuggaland á grannamatriklunum. Vit meta, at tað ikki rætt, at kommunan skal standa á odda við at fremja hesa neyðtøku av grannaognunum," skrivaði Grannalív í einum tíðindaskrivi 14. september.

P-hús, Parkeringshús

Grannalív hevur eisini roynt at givið fólki eina mynd av, hvussu nógv parkeringshúsið fer at fylla í miðbýnum, eitt nú við sínum egnu tekningum, men eisini við ballónum

Felagið Grannalív hevur eisini savnað inn undirskriftir móti byggingini, og hevur roynt at ávirkað gjøgnum fjølmiðlarnar.

0 seconds of 0 secondsVolume 90%

00:00

Jógvan G. Müller, verkfrøðingur og ein av grannunum, heldur at byggingin er burtur úr vón og viti. Tað greiddi hann frá í Degi og viku 15. juli í ár