Nýggjur vinnu- og mentanarstjóri í Klaksvík

John Syderbø er settur í starvið sum vinnu- og mentanarstjóri hjá Klaksvíkar kommunu.

John Syderbø er 46 ár og búskaparfrøðingur. Hann arbeiðir í løtuni sum sjálvstøðugur ráðgevi.

Áður hevur John Syderbø millum annað verið marknaðar- og produktstjóri hjá Føroya Tele. Tað var frá 2015 til 2021.

John Syderbø byrjar í starvinum í Klaksvík um ein mánað.

13 fólk søktu um starvið sum vinnu- og mentanarstjóri hjá Klaksvíkar kommunu.