Fólkatingsvalið í Føroyum kann haldast ein annan dag

At Mette Frederiksen, forsætisráðharri, hevur skrivað út fólkatingsval at vera týsdagin 1. november, hevur fingið m.a. Jørgen Niclasen í Fólkaflokkinum og Kaj Leo Holm Johannesen, landsstýrismann, at gera vart við seg.

Teir halda báðir, at tað er óheppið, at fólkatingsvalið verður júst henda dagin, allahalgannadag, sum í Føroyum eisini er minningardagur teirra sjólætnu.

Jørgen Niclasen skrivar soleiðis á Vágaportalinum.

Og Kaj Leo Holm Johannesen skrivar soleiðis á sínum Facebook-vanga:

Kannar málið

Sambært lógini um fólkatingsval, er tað ríkisumboðið í Føroyum, sum kunnar føroyingar um, at fólkatingsval verður. Ríkisumboðið kann sambært lógini um fólkatingsval eisini gera av, um valið í Føroyum skal verða ein annan dag. 

Lene Moyell Johansen, ríkisumboð, sigur við útvarpið, at hon arbeiðir við málinum og hevur ikki tikið avgerð enn.