Sjálvstýri vil varðveita tunnilsgjøldini

Samgongan hevur mist eina atkvøðu aftrat, sum hon ivaleyst hevur talt við, um uppskotið um at taka av tunnilsgjøldini í Vágatunlinum og Norðoyatunlinum.

Sjálvstýri vil ikki strika tunnilsgjøldini.

Og hann vil varðveita partafelagið hjá tunlunum, partafelagið Tunnil.

Formaðurin í Sjálvstýri, Sámal Petur í Grund, og tingmaður floksins, Kristin Michelsen, siga, at flokkurin mælir frá, at rakstur og viðlíkahald av tunlunum verður lagt til tað almenna.

- Vit stúra fyri, at viðlíkahaldið tá verður alt annað enn nøktandi, siga teir báðir.