Útlánsvøksturin er minkaður seinasta árið

Útlánsvøksturin hjá føroysku bankunum í juli í var 2,3%  og 3,3%, tá ið útlán úr donskum fíggjarstovnum vera tald uppí, upplýsir Landsbankin. 

Útlánsvøksturin er sostatt væl minni, enn hann var sama tíðarskeið í fjør, tá ið hann var 5,5% hjá føroysku bankunum og 8,6%, tá ið donsku peninga- og realkredittstovnarnir verða taldir uppí.

Í juli stavaði stórur partur av útlánsvøkstrinum hjá bankunum frá størri lánveiting til kommunurnar. Útlánini til kommunurnar eru vaksin umleið 115 mió. krónur í hesum tíðarskeiðnum.

Vinnan og húsarhald

Bankarnir hava eisini lænt vinnuni 220 mió. kr. síðsta árið. Lánini til húsarhald eru eisini vaksin 240 mió. kr. í bankunum. 

Húsarhald fáa harumframt fígging til sethús úr donskum realkredittstovnum.

Skuldin hjá føroyingum var tilsamans fýra mia. kr. í donskum realkredittstovnum í juli.