Søkja eftir sjey kommunulæknum

Líkt er ikki til, at kommunulæknatrotið í Føroyum verður loyst í bræði.

Heilsutrygd søkir nú eftir sjey kommunulæknum.

Í Suðuroynni verður søkt eftir trimum kommunulæknum; tveir at seta í starv á Tvøroyri og ein í Vági.

Í Skálafjarðar læknadømi eru tvey kommunulæknastørv leys at søkja; eitt í Runavík og eitt á Strondum.

Hini bæði kommunulæknastørvini, sum eru leys at søkja, eru í ávikavist Kollafirði og í Havn.

Kommunulæknarnir skulu setast 1. januar, ella eftir nærri avtalu, sigur Heilsutrygd.