Bretski fíggjarmálaráðharrin koyrdur frá

Bretski fíggjarmálaráðharrin, Kwasi Kwarteng, sat ikki leinki í ráðharrasessinum.

BBC skrivar, at Kwarteng í morgun var sagdur úr starvi, eftir at hava røkt sessin sum fíggjamálaráðharri í stjórnini hjá Liz Truss í 38 dagar.

Kwasi Kwarteng legði fyri nøkrum vikum síðani fram eitt uppskot, sum millum annað fór at lækka skattin og geva teimum ríkastu størri fyrimunir. Hetta gjørdi hann, uttan at ráðføra seg við hini í stjórnini.

Uppskotið hjá Kwarteng hevði havt við sær, bleiv tað samtykt, at tey, sum forvinna mest, í mesta lagi skulu gjalda 40 prosent í skatti.

Sum er, er hægsta skattaprosent í Bretlandi 45 prosent.