Fakfeløg: Endamálið við skattalættanum ikki rokkið

Endamálið við skattalættanum hjá samgonguni verður als ikki rokkið. 

Tað skrivar Fakfelagssamstarvið í tíðindaskrivi.

Fakfelagssamstarvið hevur gjørt nakrar útrokningar.

Tær vísa, at ein løntakari, sum forvinnur 235.000 krónur um árið, einans fær 400 krónur í skattalætta. 

Eigur viðkomandi hinvegin tvey børn, so fær hann 3.900 krónur í skattalætta um árið.

Skattalættar og Fakfelagssamstarvið

Súni F. Selfoss er formaður í Starvsfelagnum, eitt av teimum sjey feløgunum í Fakfelagssamstarvinum:

Í Fakfelagssamstarvinum eru Starvsfelagið, Føroya Lærarafelag, Føroya Pedagogfelag, Akademikarafelag Føroya, Heilsuhjálparafelag Føroya, Havnar Arbeiðskvinnufelag og Felagið Føroyskir Sjúkrarøktarfrøðingar.