Nýggj reglugerð um grundstykki í Klaksvík

Klaksvíkar býráð hevur samtykt nýggja reglugerð fyri víðarisølu av kommunalum grundstykkjum, sum eru grivin út.

Kommunan fær javnan fyrispurningar um at selja víðari og lata útgrivin kommunal grundstykki innaftur. 

Tí heldur Klaksvíkar kommuna, at neyðugt er at orða eina reglugerð fyri sølu og innlating.

Nýggja reglugerðin ásetir, at bara grundstykki, sum ikki eru grivin út, kunnu verða tikin inn, og endurgjald latið.

Um arbeiði er gjørt á grundstykkinum, verður í framtíðini víst til reglugerð fyri víðarisølu av kommunalum grundstykkjum.

Í ávísum førum kann kommunan taka útgrivin grundstykki innaftur, men bara um kommunan hevur eina ítøkiliga ætlan við einum útgrivnum grundstykki, sum tað stendur í reglugerðini.