Fær ikki stórvegis ávirkan á Seyðisfjørð

Tað fær ikki stórvegis ávirkan á Seyðisfjørð, tá Norrøna gevst at sigla hagar um veturin.

Tað sigur Björg Eyþórsdóttir, sum er forkvinna í staðbundnu kommunalu nevndini í Seyðisfirði, við miðilin Austurfrétt.

Hon sigur, at fá ferðafólk koma við Norrønu um veturin, ella frá seinnapartinum í november til 22. mars.

Tey eru færri enn hundrað, sigur hon. Og eingin íslendingur er teirra millum nú í vetur, sigur hon eisini.

Tvey farmaskip hjá Smyril Line fara at sigla til Seyðisfjarðar hvønn mikudag, tá Norrøna gevst at sigla um veturin.