Næmingar aftra seg við at fara í skúla

Næmingar, sum aftra seg við at ganga í skúla, gerast fleiri og fleiri, vísa tøl hjá Undirvísingarstýrinum, skrivar Skúlablaðið.

Skúlaárini 2018-2019 og 2019-2020 fingu 40 næmingar heima- og sjúkraundirvísing.

Skúlaárini 2019-2020 og 2020-2021 vóru teir 52.

Taka vit tey uppí, sum eru við í sertilboði, eru tølini nógv størri. 

Tey vóru 131 skúlaárið 2018-2019, og tey eru 228 í hesum skúlaárinum, skrivar Skúlablaðið.   

Skúlin á Trøðni, sum er einasti serskúlin í Føroyum, er ikki við í hesum tølum.

Fleiri dreingir enn gentur hava verið, men síðsta skúlaárið vóru genturnar nógv fleiri.