VIDEO: Eitt val og annað

Fólkatingsvalið er ikki einasta valið, sum er í dag. Fyrrapartin vóru leikararnir, sum skulu manna A-landsliðið í fótbólti við monnum, eisini útvaldir. Og lagið var gott

Ragnar A. Jacobsen

Bárði á Reynatrøð og Noah Mneney, ið eru nýggir á A-landsliðnum í fótbólti, hava ilt við at savna seg um fótbólt í løtuni, nú fólkatingsval er í dag

Netvarp

31.10.2022 - 14:55

"Eg haldi tað vera sera óheppið, at øll ikki savnast um okkum heldur enn fólkatingsvalið," sigur hjálparvenjarin hjá A-landsliðnum, Eli Hentze, við einum skálkabrosi.

Fyrrapartin var A-landsliðið í fótbólti við monnum úttikið, og í dag er eisini fólkatingsval.

Lagið var gott á nýklaktu landsliðsleikarunum og steypavinnarunum úr Víkingi, Bárði á Reynatrøð og Noah Mneney.

Teir máttu viðganga, at teir høvdu havt ilt við at savna seg um steypafinaluna og landsliðsúttøkuna, nú fólkatingsval skuldi vera í dag.