Nýggir lærusáttmálar seta met

367 nýggir lærusáttmálar í 40 yrkisútbúgvingum eru góðkendir fyrstu 10 mánaðirnar í ár.

Tað er met, um samanborið verður við sama tíðarskeiðið onnur ár. 

Hetta er stórur partur av einum árgangi, tá hugsað verður um, at í Føroyum eru millum 600 og 700 børn fødd árliga seinastu 20 árini, sigur Yrkisdepilin.

Ársmetið fyri nýggjar lærusáttmálar kom annars í 2007. Tað árið vóru gjørdir 417 lærusáttmálar í 39 yrkisútbúgvingum. 417 fólk fóru í læru.

Yrkisdepilin

Minkaði í fíggjarkreppuni

Tá fíggjarkreppan var í 2008 og 2009, minkaði lærlingatalið nógv.

Tað kom niður í 175 í 2009, tað sama sum í 2002.

Miðalaldurin hjá teimum, sum byrja í læru í dag, er knappliga 23 ár.

Tað var 22 ár í 2007.

70 føroyskar yrkisútbúgvingar eru.