Fleiri ár at fyrireika Suðuroyartunnilin

Tað fer at taka fleiri ár at fyrireika Suðuroyartunnilin.

Neyðugt er við fleiri jarðfrøðiligum kanningum, og so skal gerast av, hvussu tunnilin skal gerast.

Tað fyrsta verður at tosa við Landsverk og Jarðfeingi, sum hava stóran týdning fyri verkætlanina, sigur Bergur Poulsen, nevndarformaður í partafelagnum Suðuroyartunlinum, sum júst er stovnað:

Tunlar norður um Fjall

Tað verður ikki í bræði, at sett verður á at bora Suðuroyartunnilin. (Savnsmynd)

Hóast tosað verður um eina verkætlan, sum fer at kosta einar fimm ella seks milliardir kr., so heldur Bergur Poulsen, at tað fer at bera til at gera tunnilin til Suðuroyar:

Hini í nevndini í partafelagnum eru Marita Súsanna Hentze, sum er næstforkvinna, Gudmund Mortensen, Mathea Hilduberg og Uni Danielsen. Teitur Samuelsen er stjóri í felagnum.

Landið hevur higartil sett fýra milliónir kr. í felagið.