Kendur sjónvarpsvertur stillar upp fyri Javnaðarflokkin

"Vit eru í morgun fegin um at kunngera, at Uni Holm Johannesen stillar upp fyri Javnaðarflokkin til løgtingsvalið tann 8. desember."

Soleiðis skrivar Javnaðarflokkurin á sínum Facebook-vanga, nú tað er greitt, at kendi sjónvarpsverturin Uni Holm Johannesen verður eitt av valevnunum hjá flokkinum.  

Uni Holm Johannesen

Tað hevur ljóðað í eina tíð, at Uni Holm Johannesen skuldi stilla upp, men nú er tað so staðfest. 

Harvið verður Uni Holm Johannesen enn eitt í longu røðini av tíðindafólkum og kendum sjónvarpsandlitum, sum fer upp í politikk. 

Sosialt rættvísi

Uni Holm Johannesen er 32 ára gamal og útbúgvin stjórnmálafrøðingur og hevur starvast sum tíðindamaður, fulltrúi og ráðgevi.

uni holm johannesen

Sosialt rættvísi  stendur ovast á listanum yvir evni, ið Uni Holm Johannesen ætlar sær at arbeiða fyri. 

"Nógv eru komin undir størri trýst við hækkandi rentum og prísum á vanligum gerandisvørum og brennievni. Tað ætla vit í Javnaðarflokkinum at gera nakað við beinanvegin," sigur Uni Holm Johannesen í sambandi við, at hann nú stillar upp fyri fyrstu ferð.

Í løtuni starvast Uni Holm Johannesen sum ráðgevi í Vinnuhúsinum, men stillar altso upp fyri Javnaðarflokkin.