Talan var um ukrainska loftverjurakett

Rakettin, sum í gjár rakti ein pólskan bý nærindis ukrainska markinum og drap tvey fólk, var ein ukrainsk loftverjurakett.

Tað sigur amerikanski forsetin, Joe Biden, seg hava fingið at vita frá NATO, skrivar Reuters.

Belgiska uttanríkisráðið er komið við somu boðum.

Kanna málið

NATO hevði fund fyrrapartin, og eftir fundin segði Jens Stoltenberg, NATO-aðalskrivari, at málið verður framvegis kannað, men eingi tekin eru um, at talan var um eina russiska rakett, sum rakti Pólland.

Helst var talan um eina loftverjurakett hjá ukrainska herinum, sum fór av kós, og endaði pólskumegin markið. 

Men ábyrgdin fyri tað er framvegis í Russlandi, tí Russland áhaldandi roynir at jarðleggja Ukraina við rakettum, segði Jens Stoltenberg.

Tí er ikki væntandi, at NATO fer at taka nøkur stig, sigur lektarin í danska verjuakademinum, Claus Mathiesen:

Rakett í Póllandi

Nógvar russiskar rakettir raktu mál í Ukraina í gjár, og tær gjørdu stóran skaða á undirstøðukervið.

Russiska verjumálaráðið sigur í dag, at russiska rakettin, sum var næst Póllandi í gjár, var 35 kilometrar frá pólska markinum.

Polski forsetin, Duda, sigur eisini, at rakettin sum rakti Pólland, ikki kom úr Russlandi.

Aftur í dag ljóða loftávaringar um alt Ukraina, har boðað verður frá álopum á landið, skrivar AFP.