Varðin Pelagic avskipar beinleiðis til Afrika og Russlands

Varðin Pelagic á Tvøroyri fer at nýta størri skip at flyta sild og makreli úr Føroyum, nú ES setir revsitiltøkini í verk.

Frystiskipið Green Crystal liggur á Tvøroyri og fermir 2700 tons frá Varðanum Pelagic og 1600 tons frá Viktoriu, sum hevur tikið ímóti sild og makreli frá Suðringi og Rankanum.

Um stutta tíð kemur eitt annað frystiskip, sum tekurr eini 6.000 tons.

Tað er neyðugt, um stórar nøgdir skulu flytast til Afrika, Russlands og aðrar marknaðir, sigur Bogi Jacobsen, stjóri á Varðanum Pelagic.