Loðsmálið: Kappingarráðið fekk eisini viðhald í Landsrættinum

Kappingarráðið fekk eisini viðhald í Eystara landsrætti í gomlu trætuni við Fuglafjarðar kommunu um loðsflutningin í Fuglafirði.
 
Málið byrjaði longu í 2014, tá Fuglafjarðar kommuna gjørdi av, at bara ein fyritøka kundi veita loðstænastu í Fuglafjarðar havn. 

Í 2018 staðfesti Kappingarráðið, at hetta var brot á kappingarlógina, tí kommunan hevði forðað einari aðrari fyritøku at veita loðsflutning.

Fuglafjarðar kommuna kærdi avgerðina til Vinnukærunevndina, sum í januar 2019 staðfesti avgerðina hjá Kappingarráðnum. 

Men kommunan fór í Føroya rætt.

Heldur ikki har fekk hon viðhald. 6.mai í fjør staðfesti Føroya rættur avgerðina hjá Kappingarráðnum.

Fuglafjarðar kommuna fór so í Landsrættin, sum feldi dóm í morgun og gav Kappingarráðnum viðhald.