Stór leiting í Íslandi eftir manni, sum datt fyri borð

Fimtan skip og bátar og tvær tyrlur eru við í leitingini á sjónum, og fólk leita eisini framvið sjóvarmálanum. Vaktar- og bjargingarskipið Þór hevur leitað síðani leygardagin í økinum, har hildið var at maðurin kundi vera. 

Hetta økið er nú víðkað eftir útrokningum av ráki og streymi. Lítil og eingin vindur hevur verið á leiðini, síðani vanlukkan hendi, skrivar íslendska kringvarpið.