Sí myndirnar: Valfepur herjar í Klaksvík

Í Café Fríðu var skipað fyri kvinnupolitiskum kjaki millum kvinnulig valevnir um týdningin av, at kvinnur eisini eru umboðaðar á løgtingi.

Mimmy Vágsheyg høgrumegin eigur og rekur Café Fríðu í Klaksvík.

Tað var ikki bara á Café Fríðu, at tað summaði av politiskum kjaki, tí um allan býin vóru politisk tiltøk.

Finastøðin á Stangavegi 23, sum er gamla Shell-støðin, er umbygt til spennandi samlingsstað í Klaksvík. Har var skipað fyri Fólkaflokscafé.

Nakrir av trúgvu stuðlunum á Fólkaflokscafé.

Á Nólsoyar Pálsgøtu var Tjóðveldiscafé.

Caféin var gott høvi hjá stuðlunum at støkka inn á gólvið og fáa sær ein kaffimunn og okkurt gott afturvið áðrenn stóra valdagin.

Á einum øðrum stað á Nólsoyar Pálsgøtu var eitt sindur meira futtur í, tí har undirhelt Magni Christiansen á Sambandscaféini.

Sjálvstýri var savnað í hølum á Nólsoyar Pálsgøtu, har Café Fríða fyrr helt til.

Meðan rósurnar vóru settar á borðini í Javnaðarcaféini, sum helt til í hølum á Bøgøtu.