Valið er, sum tað plagar at vera

Soleiðis sigur Dinna Petersen, sum býr á Eysturoyar røktar- og ellisheimi, og grundgevur við, at kvinnurnar í dag eru betur útbúnar, meðan tær fyrr gingu heima og tóku sær av húsinum, og tí ikki politikki.

- Tað er ikki sum fyrr, tí politikarar í dag hava onga meining. Teir skifta bara flokk, sum teimum hóvar. Og tað er ikki bara í Føroyum, tað er so, men allastaðni, heldur Fredrik Gøte, sum eisini býr á heiminum.

Á Eysturoyar røktar- og ellisheimi gera tey annars eitt sindur burtur úr valdegnum, tí til nátturða í kvøld fáa búfólkini brasað riv við rótfruktum og breyð við føroyskum viðskera, og omaná fáa tey eina stóra valkøku, greiðir Magnhild Tausen Olsen, køksleiðari, frá.

Hoyr samrøðu, sum Tórður Mikkelsen hevði við hesi trý.