Løgmaður á veg at siga upp

Fyri løtu síðani fór Bárður á Steig Nielsen, løgmaður, til Jógvan á Lakjuni, løgtingsformann, við umbøn um at verða loystur úr starvi.

Síðani fara flokkarnir hvør sær til løgtingsformannin at vísa á, hvør skal standa á odda fyri samráðingunum um at skipa nýtt landsstýri.

Tann fyrsti floksformaðurin, sum hittir løgtingsformannin, er Aksel V. Johannesen, formaður í Javnaðarflokkinum, og tað verður klokkan hálvgum tíggju. 

Fyri døgurða verður væntandi greitt, hvør fær litið upp í hendur at standa á odda fyri samgongusamráðingunum. 

Johnhard Klettheyggj

Johnhard Klettheyggj, stjóri á løgtingsskrivstovuni, tók ímóti løgmanni, áðenn hann fór at hitta løgtingsformannin. (Mynd: Bjarni Árting Rubeksen)

Bárður á Steig Nielsen og Jógan á Lakjuni

Bárður á Steig Nielsen hevur verið hjá løgtingsformanninum og biðið um at verða loystur úr starvinum sum løgmaður. (Mynd: Bjarni Árting Rubeksen)