Ósemja millum Sambandið og Framsókn um ríkisveitingina sleit samráðingarnar

Aksel V. Johannesen, formaður í Javnaðarflokkinum og samráðingarleiðari, váttaði í Degi & Viku í kvøld, at samráðingarnar millum Javnaðarflokkin, Sambandsflokkin og Framsókn eru slitnaðar. 

Formaðurin í Javnaðarflokkinum fer nú at royna at skipa samgongu við Framsókn og Tjóðveldi.

Samgongusamráðingar 2022, dagur 2, Ruth Vang, Poul Clemensen

Ruth Vang, forkvinna í Framsókn, sigur í kvøld, at spurningurin um ríkisveitingina er avgerandi fyri hennara flokk.

Árni Gregersen, politiskur viðmerkjari, greinaði støðuna í sjónvarpsstovuni.