Ríkisfundur í Ishøj

Árligi fundurin hjá stjórnarleiðarunum í danska ríkinum verður í morgin.

Í gjár fór Kaj Leo Holm Johannesen, løgmaður, til Danmarkar á ríkisfund við danska forsætisráðharran, Helle Thorning Schmidt, og grønlendsku landsstýrisforkvinnuna, Aleqa Hammond.

Sildatrætan eisini á skránni

Á skránni fyri fundin, sum verður í morgin, er millum annað samstarvið í ríkisfelagsskapinum, sildatrætan og handilstiltøkini hjá ES og møguleikarnir hjá føroyskum fyritøkum at sleppa við í danskar vinnuframaskipanir. Í ár verður ríkisfundurin í Ishøj.

Hetta er fyrstu ferð, at grønlendska landsstýriskvinnan, Aleqa Hammond, er á ríkisfundi.