- Tíðindi, mentan og ítróttur
Eystur- og Sandoyartunlar hava hall í fleiri ár aftrat
Eystur- og Sandoyartunlar hava hall í fleiri ár aftrat
2200 akfør fleiri skulu koyra í báðum tunlunum, áðrenn tað fer at standa upp og niður fíggjarliga
Eystur- og Sandoyartunlar fara væntandi at hava stór hall í fleiri ár aftrat.
Mynd: Bjarni Árting Rubeksen
21.12.2022 - 11:10
Í hesum døgum eru tvey ár liðin, síðani Eysturoyartunnilin læt upp fyri almennari ferðslu.
Ferðslan hevur ikki verið so nógv, sum leiðslan hevði vónað, og tí fer tunnilin at hava hall í fleiri ár afturat, sigur Teitur Samuelsen, stjóri.
2200 akfør fleiri skulu koyra í Eystur- og Sandoyartunlunum, áðrenn tað fer at standa upp og niður fíggjarliga.
Teitur Samuelsen er stjóri í Eystur- og Sandoyartunlum.
350 akfør í Sandoyartunlinum
Ferðslan í Sandoyartunlinum, sum letur upp um eitt ár, fer ikki at muna stórvegis, tí bara 350 akfør fara at koyra har um samdøgrið.
Landskassin ber fíggjarliga hallið av báðum tunlunum. Í ár verður hallið góðar 50 milliónir krónur. Í fíggjarlógaruppskotinum fyri 2023, sum varð lagt fram 30. september, var væntað, at hallið í 2023 verður 40 milliónir krónur.
Hoyr innslag í útvarpstíðindunum:
21122022_Teitur_og_Eysturoyartunnil
Er kopiera
Nýggjastu sendingar í ÚV
Nýggjastu sendingar í SV
