Kongressin í USA samtykt fleiri lógarbroytingar

Lógarbroytingin kom sum ískoyti til fíggjarlógina, sum varð samtykt í vikuni. Joe Biden forseti, skal skrivað undir nýggju lógina. Hann sigur, at hetta er avgerandi tvør-politiskt broyting, sum skal tryggja, at fólksins vilji verður varðveittur. Hetta er greiðasta svarið frá Kongressini higartil síðani fyrrverandi forsetin Donald Trump royndi at forða fyri, at úrslitið á forsetavalinum fyri tveimum árum síðani varð góðkent.

Upprunaliga lógin er frá 1887, og funnist hevur verið at henni fyri at vera ógreið og illa orðað. Tí hava báðar síður í Kongressini tikið undir við broytingunum, sum skulu gera tað torførari fyri taparan á valinum at forða nýggja forsetanum í at verða tilnevndur. M.a. verður staðfest at leikluturin hjá varaforsetanum at góðkenna valúrslitið bert er í sambandi við sjálvt hátíðarhaldið.

Trump og nøkur sameind hjá honum royndu at senda alternativar valnevndir til at góðkenna úrslitið, men nýggju reglurnar skulu tryggja, at ikki fleiri nevndir verða sendar, og nú skal guvernørurin góðkenna nevndinar.