Ætla eisini at yvirtaka farsóttarlóggávuna

Nýggja samgongan ætlar eisini at yvirtaka farsóttarlóggávuna.

Gamla samgongan kom við uppskoti um tað. Yvirtøkan skuldi vera 1. mai í ár.

Fyrsta viðgerð var í tinginum 8. september í fjør. 

Málið var í Uttanlandsnevndini, tá val var skrivað út. Tað datt tí burtur.

Í nýggja samgonguskjalinum stendur, at Fólkaheilsustýrið skal styrkjast við at yvirtaka farsóttarlóggávuna og við at fyrireika yvirtøku av landslæknaembætinum.

Gamla samgongan ætlaði ikki at yvirtaka landslæknan.