Nógv hugsa helst um at vera fysiskt virkin, tá tey hugsa um ráðini frá Fólkaheilsuráðnum, sum nú á nýggjárinum gjørdist partur av Fólkaheilsustýrinum.

Men millum ráðini eru eisini hugskot til at seta sær mál, at lesa eitt sindur og kanska at spæla eitt spæl ella tvey saman við øðrum.

- Virkin januar er partur av okkara ABC fyri sálarliga heilsu, sum vit hava fingist við í nøkur ár eftir hondini, sigur Monika Mohr, samskipari.

Álmanakkarnir eru tríggir í tali. Ein er til børn, ein til ung og ein til vaksin, og teir eru at finna á heimasíðuni folkaheilsa.fo.