Jarðir: Ikki burðardygt at taka ímóti fleiri ferðafólkum

- Tað er ikki burðardygt at taka ímóti fleiri ferðafólkum í Føroyum, uttan at gera munandi broytingar í ferðavinnuni innanlands.

Tað sigur stjórin í Jarðum, Finn Danberg, eftir at Visit Faroe Islands í gjár segði við útvarpið, at talið á ferðafólkum er ikki nóg stórt. 

Finn Danberg vísir á, at tað mest sannlíkt verða tey somu væl umtóktu støðini, sum skulu taka ímóti fleiri ferðafólkum.

Finn Danberg

Finn Danberg er stjóri í Jarðum.

Hann sipar millum annað til Mykines, Saksun og onnur smápláss, sum sambært honum longu nú hava stórar avbjóðingar av teimum mongu ferðafólkunum, serliga um summarið.

Hoyr innslag í útvarpstíðindunum:

Í innslagnum verður sagt, at ferðafólkatalið í 2022 var góð 406.000 fólk, og at stjórin í Visit Faroe Islands heldur, at hetta er ov lítið.

Tað er ikki rætt. Stjórin í Visit Faroe Islands tosaði um talið av útlendskum ferðafólkum, og tað talið var millum 65.000 og 70.000 í 2022.