Tríggjar umsóknir til átta kommunulæknastørv

Heilsutrygd fekk tríggjar umsóknir í hesum umfarinum, tá søkt var eftir kommunulæknum.

Átta størv vóru leys at søkja. 

Ein umsókn er um starvið á Tvøroyri og tvær um sama starvið í Havn.

Størvini skulu setast 1. mars, ella eftir nærri avtalu við Heilsutrygd.

Størvini

Í Suðuroyar læknadømi eru trý størv leys, tvey á Tvøroyri og eitt í Vági.

Í Skálafjarðar læknadømi eru tvey størv, annað í Heilsudeplinum við Skálafjørðin, sum er í Runavík, og hitt er fyribils staðsett í viðtaluni á Strondum.

Í Vestmanna læknadømi er eitt starv í Kollafirði.

Í Suðurstreymoyar læknadømi eru tvey størv, annað er í Gundadali og hitt í Miðlon.