Rektarin á Glasi: Stórur tørvur á bygnaðarbroytingum

Avgerðin um at senda eitt ætlanarskriv um uppsøgn til útbúgvingarstjóran, áðrenn uppskotið um bygnaðarbroytingar fór til hoyringar, var eitt tilvitað val, sigur Una Joensen, rektari á Glasi. 

Hetta sigur hon eftir atfinningar frá Yrkisfelagnum Miðnámi, sum hevur víst á, at mannagongdin í sambandi við ætlanarskrivið var skeiv.

Una Joensen

Una Joensen er rektari á Glasi.

Stórur tørvur er á bygnaðarbroytingum á Glasi, sigur Una Joensen.

Hoyr innslag í útvarpstíðindunum:

Í tíðindunum á døgurða var sagt, at rektarin á Glasi kunnaði aðalstjóran í Mentmálaráðnum, Poul Gert Hansen, um bygnaðarbroytingarnar tann 5. januar í ár.

Hetta er ikki rætt. Aðalstjórin var kunnaður 5 desember í fjør, og starvsfólkini á Glasi vóru kunnað 5. januar.

Haldið okkum til góðar.