Seta ein próst aftrat

Ein próstur skal setast aftrat.

Heimasíðan hjá fólkakirkjuni upplýsir, at leingi hevur verið arbeitt við at gera broytingar í umsitingini hjá fólkakirkjuni.

Umsitingarligu uppgávurnar eru vorðnar meiri umfatandi, serliga í dómpróstaembætinum, sum umframt at umsita tær tyngru fíggjarligu uppgávurnar fyri fólkakirkjuna, hevur havt embætisuppgávur.

Nú er avgjørt, at hesar uppgávur skulu býtast í eina fíggjarsúlu og eina embætissúlu.

Dómprósturin varðveitir tær tyngru fíggjarligu uppgávurnar, kirkjusýn og bókaforlagið hjá fólkakirkjuni.

Ein nýggjur próstur skal setast at hava embætisuppgávur, millum annað eftirlit við kirkjubókum, starvsfólkarøkt og strategisk mál hjá fólkakirkjuni.

Dómprósturin og dómpróstafulltrúin, sum nú eru í prestagarðinum í Essalag, flyta í Biskupsgarðin í J. Paturssonargøtu seinni í vár.