Á Breddanum: Fyri og ímóti útbyggingarætlanini hjá Varðanum

Áhugamálini og meiningarnar vóru nógv og fjølbroytt, tá Tvøroyrar kommuna í gjárkvøldið skipaði fyri borgarafundi um ætlanirnar hjá Varðanum Pelagic at byggja út á Tvøroyri. 

- Hetta er sum við vindmyllum. Øll vilja hava tær, men eingin vil hava tær tætt hjá sær sjálvum, segði Bogi Jacobsen, stjóri í Varðanum, um atfinningarnar móti verkætlanini.

- Vit stúra fyri, at kommunan starir seg blinda í hesi eini stóru vinnuni, og gloymir aðrar vinnur, segði Rósa Heinesen, sum hevði framløgu á borgarafundinum í gjárkvøldið.

Kristin Michelsen, borgarstjóri, sigur, at byggiloyvið verður tað allarsíðsta, sum støða skal takast til í viðgerðini av ætlaðu útbyggingini hjá Varðanum Pelagic. Hann vónar, at avgerð verður tikin fyri summarfrítíðina.

Breddin var á borgarafundinum á Tvøroyri í gjárkvøldið, og fekk orðið á borgarar, politikarar og stigtakarar. 

Breddin í útvarpinum klokkan 10.

Varðin Pelagic, fundur um útbygging av Varðanum Pelagic

Stórur áhugi var fyri borgarafundinum í SALT í gjárkvøldið.