Á Breddanum: Vinningsbýti í BankNordik og ADHD

Løgmaður hevur fult álit á nevndini í BankNordik, sum um vikuskiftið kunngjørdi ætlanir um, at partaeigararnir í bankanum skulu fáa  upp í 70 prosent av yvirskotinum í vinningsbýti. 

Hetta sigur Aksel V. Johannesen, hóast hann var løgmaður fyri seks árum síðan, tá núverandi forkvinnan í bankanum bleiv koyrd til hús sum forkvinna í Fíggingargrunninum av táverandi landsstýriskvinnuni í fíggjarmálum, tí bankin hevði goldið eitt stórt vinningsbýti til partaeigararnar. 

Erhard Joensen í Sambandsflokkinum og Erling Eidesgaard í Tjóðveldi koma í útvarpsstovuna at kjakast um almenna ognarlutin í bankanum, eftir nýggju fráboðanina um størri vinningsbýti. 

Í sendingini í dag verður eisini varpað ljós á ADHD, tí millum fimm og 10 fólk leggjast aftrat á listanum hvørja viku at fáa útrgeining fyri ADHD á psykiatriska deplinum. 

Breddin í útvarpinum klokkan 10.