6.500 hava staðið á skoytum í Klaksvík

6.500 fólk hava brúkt skoytubreytina í Klaksvík í vetur.

Tað er eitt sindur meira enn hini árini.

Skoytubreytin við Biskupstorg læt upp 8.desember og letur aftur sunnudagin 12.februar.

Serliga væl umtókt er at skoyta í desember.

Í januar vóru skúlar, frítíðarskúlar, barnagarðar og onnur, sum leigaðu skoytubreytina fyrrapartar, skrivar Klaksvíkar kommuna.

Ikki bara klaksvíkingar brúka skoytubreytina, men fólk úr øllum landinum fara til Klaksvíkar at skoyta.