Tey skriva:

- Hvør er tín hetja? Er har ein ávís føroysk ella útlendsk kvinna, livandi ella deyð, ið hevur givið tær íblástur ella hevur verið tín fyrimynd í gerandisdegnum, arbeiðslívinum, ella sum hevur ávirkað teg hugsjónarliga, listarliga ella menniskjaliga?

Nú ber til hjá øllum, at skriva eitt sokallað hetjubræv, til eina gentu/kvinnu, sum hevur verið tín fyrimynd.

Urd Johannesen og Oyvør Jacobsen úr Runavíkar kommunu, vilja varpa ljós á tær kvinnurnar, sum á onkran hátt hava gjørt mun hjá fólki.

Bæði kvinnur og menn, gentur og dreingir, kunnu skriva eitt hetjubræv, ið seinni verður víst fram.