- Tíðindi, mentan og ítróttur
Kvørnin
"Sólskin" er heiti á nýggjastu heildarútgávuni við (74 ára gamla) Stanley Samuelsen úr Fuglafirði, sum seinastu 55 árini hevur búð í Danmark.
Á fløguni eru 10 sangir, sum Stanley antin hevur gjørt sjálvur, týtt til føroyskt, og/ella sett lag til. Allir eru á føroyskum máli uttan heitislagið "Solskin", sum er yrking á donskum eftir William Heinsesen.
Upptøkurnar hava Jónas Bloch Danielsen, Finnur Hansen og Flemming Rasmussen staðið fyri.
Jóhannus á Rógvi hevur framleitt, og Óli Poulsen hevur ljóðblandað og frumbandað útgávuna, sum plátufelagið Tutl gevur út.
Ólavur Larsen hevur samskipað verkætlanina.
Skotsmál:
8/10 stjørnum: Regin Toftegaard
8/10 stjørnum: Páll Oddur Rubbeksen
Eyðfinn Jensen hevur lagt til rættis.
Kvørnin
Í Kvørnini verða føroyskar tónleikaútgávur ummældar.
Í útvarpsstovuni eru vanliga tvey tónleikaáhugað fólk saman við vertinum Eyðfinn Jensen.
Fyritreyt fyri at ummæla í Kvørnini er brennandi áhugi fyri tónleiki, dirvi og hugur at siga sína hjartans meining.
