Ógreitt nær lønarsamráðingar verða tiknar uppaftur

Enn er ógreitt, nær sáttmálasamráðingar á almenna arbeiðsmarknaðinm verða tiknar uppaftur.

Jan Mortensen, leiðari á lønardeildini hjá Fíggjarmálaráðnum, segði herfyri, at hann væntaði, at tær vórðu tiknar uppaftur í hesi vikuni.

Nú sigur hann, at hann veit ikki, nær tær byrja aftur. Ætlanirnar, sum landsstýrið hevur um at stytta arbeiðsvikuna, skulu eisini hugsast inn í samráðingarnar.

Seks fakfeløg vóru farin at samráðast, tá ið valið var útskrivað í november.

Tey eru Lærarafelagið, Akademikarafelagið, lærarar á Vinnuháskúlanum, Kommunulæknafelagið, Havnar arbeiðskvinnufelag og so Heilsurøktarfelagið, har Komunala Arbeiðsgevarafelagið eisini er við í samráðingunum.

Nøkur av feløgunum hava sett fram síni krøv.