Tveir kommunulæknar settir aftrat

Heilsutrygd hevur sett Davíð Guðnason í starv sum kommunulækna í Suðuroyar læknadømi.

Davíð Guðnason nam sær embætisprógv í læknafrøði í juni 2014, og hann fær væntandi serlæknagóðkenning í almennum medisini 28. februar.

Davíð Guðnason hevur seinasta árið arbeitt í Læknahúsinum í Gundadali í sambandi við serlæknaútbúgvingina. Hann tekur við starvinum á Tvøroyri 13. mars.

Rúni Nolsøe í Havn

Heilsutrygd hevur eisini sett Rúna Nolsøe í starv sum kommunulækna í Suðurstreymoyar læknadømi. Hann er settur í starv í viðtalu í Miðlon.

Rúni Nolsøe fekk embætisprógv í læknafrøði í august 2016,  og hann fær væntandi serlæknagóðkenning í almennum medisini 28. februar.

Rúni Nolsøe hevur seinasta árið arbeitt í Miðlon sum í sambandi við serlæknaútbúgvingina. Hann tekur við starvinum í Miðlon 1. mars.