- Tíðindi, mentan og ítróttur
Grava lík í Hvannasundi uppaftur
Grava lík í Hvannasundi uppaftur
Løgreglan fer at gera nýtt líksýn av 16 ára gomlu gentuni, sum varð funnin deyð við byrgingina í Hvannasundi í fjør
Líkið av 16 ára gomlu gentuni, ið varð funnin deyð við byrgingina í Hvannasundi í november í fjør, varð í dag grivið uppaftur og skal líksýnast av nýggjum
Mynd: J. Herluf Sørensen
04.09.2013 - 15:35
Løgreglan hevur gjørt av at grava líkið av einari 16 ára gamlari gentu í Hvannasundi, sum varð funnin deyð við byrgingina 21. november í fjør, uppaftur.
Líksýnið vísti ikki meiri um orsøkina, hví kvinnan var deyð. Kvinnan hevði samband við unga mannin, sum er skuldsettur fyri drápsroynd í Norðdepli 14. juli í ár. Tey høvdu áður verið par.
Bergleif Brimvík, leiðari á kriminaldeildini, sigur, at nýtt líksýn skal gerast, og tí verður líkið grivið uppaftur.
- Vit taka hetta stigið fyri at binda um heilan fingur, sigur hann.
Ferðaliðið hjá donsku løgregluni er í hesum døgum í Føroyum og hjálpir til at endurskapa tilburðin í Norðdepli 14. juli.
Meiri verður at frætta í útvarpstíðindunum.
Er kopiera
Nýggjastu sendingar í ÚV
Nýggjastu sendingar í SV
