Reiley knústi donsku hjørtuni

Tá bestu europeisku sangirnir skulu royna seg í Eurovision Song Contest-kappingini í mai mánaði, verður tað 25 ára gamli havnarmaðurin, Rani Petersen, ið brúkar kunstnaranavnið Reiley, ið skal umboða Danmark.

Hóast Ukraina vann í fjør og skuldi verið vertur í ár, so er av trygdaráðum gjørt av, at stóra europeiska sangkappingin verður í Liverpool í Onglandi, og tá skal Reiley á pallin við sangi sínum í seinnu hálvfinaluni, sum verður hóskvøldið 11. mai.

Undan donsku kappingini í kvøld, sum var í Næstved Arena, var Reiley stórfavorittur, og henda leiklutin megnaði hann væl og virðiliga at liva upp til við 43 prosentum av samlaða atkvøðutalinum, 15 prosentum frá hyggjarunum og 28 prosentum frá fakligu dómarunum.

Nú vóna danskarar, at føroyski Reiley, sum hevur næstan 11 milliónir fylgjarar á TikTok, kann gera vart við seg í europeisku kappingini, tí í ár eru tað ikki bert londini, sum eru við, ið kunnu atkvøða, men allur heimurin.