Burðaravlopið ein fimtingur av fólkavøkstrinum

Burðaravlopið ein fimtingur av fólkavøkstrinum
Nettotilflytingin ger munin, tí 536 fólk fleiri fluttu til Føroya enn úr Føroyum í fjør
Burðaravlopið var 142 í fjør. Tað var 252 í 2021. (Savnsmynd)
 
13.02.2023 - 08:44

Burðaravlopið var bara ein fimtingur av fólkavøkstrinum í Føroyum í fjør, skrivar Hagstovan.

Hin vøksturin, fýra fimtingar, stavar frá nettotilflyting.

Burðaravlopið er so lítið, tí so fá vóru fødd og so nógv doyðu í fjør, serliga í fyrra hálvári doyðu nógv.

Burðaravlopið var 142 í fjør. Tað var 252 í 2021. Nettotilflytingin var 536 í fjør. Hon var 457 í 2021.

Tað er, at 536 fleiri fólk fluttu til Føroya enn úr Føroyum í fjør. 

Í 2021 var ein triðingur burðaravlop og tveir triðingar nettoflyting.

 

Nú flyta í miðal 165 fólk til Føroya um mánaðin, vísa tøl hjá Hagstovuni. (Savnsmynd)

 

120 fólk flyta um av landinum um mánaðin

Hagstovan sigur, at fráflytingin vaks lutfalsliga skjótt fram móti heysti í 2021.

Síðani hevur hon verið okkurt um 120 fólk í miðal mánaðarliga. 

Tilflytingin hevur verið javnt vaksandi síðani síðst í 2020 og er vaksin nakað meiri enn fráflytingin. 

Nú flyta í miðal 165 fólk til Føroya mánaðarliga. 

Millum 30 og 35 fólk doyggja í miðal mánaðarliga, og millum 50-55 børn vera fødd í miðal mánaðarliga. 


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585