Fiskaútflutningurin vaks 2,4 milliardir í fjør

Føroyar útfluttu fisk fyri 2,4 mia. kr. meira í fjør enn í 2021.

Virðið vaks 26 prosent, men nøgdin minkaði seks prosent, skrivar Hagstovan.

Serliga laksurin ger mun. Har er vøksturin 1,1 milliard krónur. 

Føroyar útfluttu fyri 12,7 milliardir í fjør.

Vøksturin sammett við 2021 er 26,3 prosent.

Oljutangar, oljutangar á Viðarnesi

Vit innfluttu brennievni fyri slaka milliard í fjør, tí prísurin er so høgur.

Innflutningurin vaks eisini

Innflutningurin var eisini størri í fjør enn í 2021.

Hann var 12,1 milliard, 31 prosent størri enn í 2021.

Høgi oljuprísurin gjørdi, at brennievni var innflutt fyri slaka milliard meira í 2022 enn í 2021. Vøksturin er góð 70 prosent.

Men nøgdin minkaði 12 prosent.