Gera yvirlitstrolingar á landgrunninum og Føroyabanka

Næstu vikurnar ger havrannsóknarskipið, Jákup Sverri, yvirlitstrolingar á landgrunninum og á Føroyabanka.

Yvirlitstrolingarnar, sum hava til endamáls at geva vitan um lutfalsligar nøgdir av fiski í einum øki, og at geva so nógvar upplýsingar um fiskin sum gjørligt, byrjaðu í hesi vikuni og halda fram til 22. mars.

Tóvini eru so spjadd sum gjørligt um alt tað økið, ið verður kannað, og kanningarnar verða gjørdar soleiðis, at úrslitini kunnu samanberast frá einum ári til árs.

Á landgrunninum eru tveir túrar í februar og mars og so aftur tveir í august, og talan er um 100 tóv um várið og 200 um summarið.

Á Føroyabanka verður gjørdur ein túrur í mars og ein í september, og har verða gjørd 29 tóv á hvørjum túri.