Beint fyri árslok skifti Vár Erlingsdóttir Eidesgaard Føroyar og Havnar Smimjifelag út við USA og svimjiliðið hjá Florida International University (FIU).

Vár hevur fingið eitt sokallað stipendium ella 'scholarship' á Florida International University í Miami. Tað vil siga, at hon svimur fyri universitetið, og afturfyri fær hon skúlagongdina ókeypis.

Vár er í holt við at taka ein bachelorútbúgving í lívfrøði.

- Størsta broytingin er at tosa enska málið, sigur Vár, sum eisini skal venja seg við at ganga á einum universiteti við 60.000 lesandi.

HS búmerkið skift út við FIU Panthers

Vár Erlingsdóttir Eidesgaard svimur nú fyri Panthers, sum svimjiliðið á FIU eitur.

Hon trívist væl í nýggja venjingarumhvørvinum og hevur nógv gott at bera nýggju liðfeløgunum.

- Eg havi aldrin upplivað samanhald sum her, vit hjálpa og stuðla hvørjum øðrum, tað er ordiliga fantastiskt.

Vár Erlingsdóttir Eidesgaard