Eingin heildarætlan um dagstovnaøkið í Havn

Meirilutin í Tórshavnar býráði vil ikki hava eina heildarætlan um dagstovnaøkið.

Tað var endurtikið á býráðsfundinum í gjár.

24. mars í fjør atkvøddi býráðið, um atkvøðast skuldi um eitt uppskot hjá Tjóðveldi um, at býráðið samtykkir at gera eina heildarætlan um dagsstovnaøkið við ítøkiligum átøkum fyri at bøta um starvsfólkatrotið.

Uppskotið fekk seks atkvøður og fall, tí sjey vóru ímóti.

Í gjár vóru Framsókn og Fólkaflokkurin komin aftrat Tjóðveldi.

Men úrslitið gjørdist næstan tað sama sum í fjør, fimm vóru fyri og sjey ímóti. Ein atkvøða var blonk. Uppskotið fall.