468 fólk byrjaðu smittukeldurnar

06.03.2023 - 08:31
AktueltHeilsa
468 fólk byrjaðu smittukeldurnar
Korona gjørdi nógv mest um seg í januar og februar í fjør, tá tey smittaðu vóru ávikavist 14.666 og 13.957
Síðani korona kom til Føroya, eru 35.353 tilburðir staðfestir frá 3.mars í 2020 til tann 13.februar í ár. (Savnsmynd: Bjarni Arting Rubeksen)
 

468 fólk byrjaðu koronusmittuketur, sum 4.336 onnur vóru í.

Frá 3.mars 2020 til 27.desember 2021 blivu øll, sum vóru positiv, tilsamans 5.440 fólk, spurd, fyri at vita, hvussu tey vóru vorðin smittað.

Úrslitið er, at 468 fólk hava byrjað smittuketur.

Spennið í smittuketunum er stórt, tað er frá tveimum fólkum upp í 726.

Hini 636, sum vóru spurd, kunnu ikki setast í samband við nakra smittuketu. Tey vita ikki, hvussu tey eru smittað, og tey hava heldur ikki smittað onnur.

 

Ein triðingur smittaður uttanlands

Ein lítil triðingur teirra, sum byrjaðu smittuketu, vóru smittað uttanlands. Av teimum 4.804 fólkum í smittuketunum vóru 18,5 prosent smittað uttanlands, sigur landslæknin.

Tøl eru ikki um innleggingar, deyða og koppsetingar.

Hesi trý árini, sum farin eru, síðani korona kom til Føroya, eru 35.353 tilburðir staðfestir frá 3.mars í 2020 til tann 13.februar í ár.

Tað vísa nýggjastu tølini frá landslæknanum.

Smittutølini hava sveiggjað nógv hesi trý árini. Men nógv mest gjørdi korona um seg í januar og februar í fjør, tá tey smittaðu vóru ávikavist 14.666 og 13.957.

Er kopiera
Nýggjastu sendingar í ÚV
Mánadag 5. juni
Einbúgvin av Viðareiði (1:2)
133159
Mánadag 5. juni
Norðurljóð 5.juni 2023
157953
Mánadag 5. juni
Danismur í Málteiginum
157934
Mánadag 5. juni
Góðan morgun Føroyar 05.06.2023
157933
Nýggjastu sendingar í SV
Sunnudag 4. juni
Møti úr Oasuni í Hoyvík
157918
Sunnudag 4. juni
Andakt við Unn Justinussen
157917
Sunnudag 4. juni
Úr savninum: Urtagarðurin 6:6
157715
Sunnudag 4. juni
Úr savninum: Summarsál 1:6
157905
Leygardag 3. juni
Video: 5mf kvinnur, Norðoyastevna
157898