Lønardeildin bíðar eftir boðum um samráðingarleistin

Framvegis er ógreitt, nær sáttmálasamráðingarnar á almenna arbeiðsmarknaðinum vera tiknar uppaftur.

Jan Mortensen, leiðari á lønardeildini hjá Fíggjarmálaráðnum, sigur, at hann bíðar enn eftir boðum úr Fíggjarmálaráðnum um samráðingarleistin.

Seks fakfeløg vóru byrjað at samráðast, tá boðað var frá løgtingsvali í november. 

Samráðingarnar steðgaðu tá.

Fleiri fakfeløg bíða

Nú bíðar Lønardeildin eftir boðum úr Fíggjarmálaráðunum um samráðingarleistin hjá nýggju samgonguni.

Fakfeløgini, sum bíða, eru Lærarafelagið, Akademikarafelagið, lærarar á Vinnuháskúlanum, Kommunulæknafelagið, Havnar arbeiðskvinnufelag og Heilsurøktarfelagið, har er Komunala arbeiðsgevarafelagið eisini við í samráðingunum. 

Samgongan ætlar millum annað at geva teimum, sum arbeiða við umsorgan, lønarlyft.