- Eg havi altíð verið hugtikin av vegunum í føroysku náttúruni, ásannar Ditte Mathilda Joensen. Tað er hon, sum eigur hugskotið aftanfyri ISLANDROADS.

Konseptið byggir á stórbæra náttúru og tónleik, sum saman blíva ein framúrskarandi pallur. Flestu tónleikararnir eru føroyingar, og allar upptøkurnar eru gjørdar í Føroyum.

Róin Siggertson til dømis situr við tangentarnar á einum gomlum vegi omanfyri Vestmanna, Jógvan stendur við guittaranum á vegnum til Àrnafjarðar og Danny Baldurson syngur á vegnum niðan á Klakk.

Upptøkurnar kunnu síggjast og hoyrast á hesum leinki.